Luke 6: 43-49
Singkung aga in akithei
Singkung hoi in ga hoilou a suong ngaisih a, ahilouleh singkung hoilou in zong ga hoi asuong ngai tuom sih hi. Ajiehpen singkung tapou aga in akithei hi. Tualeh koi man ling lah ah leengga alou ngaisih hi. Mihoite’n a lungsim ua silhoi umte khu ahing pawtsah zeel ua, mihoilou in alungsim ua silhoilou umte ahing pawtsah zeel uhi. Ajieh pen a lungsim ua a dim chieng in a kam un ahing gendoh zeel hi.
Inn lam nite
‘Topa, Topa’ hing chi uchin a, bangdinga ka thugente juilou nahi uh amah? Koi hinanleh kakunga hingpei a, ka thu za a khumbanga bawlte bangchibang mi ahi uoi chi kahing ensah ding hi: khumte khu pasal khat in a inn lam nadinga leithuuhtah tou a suong phuum a, tua suongphuum tunga inn lampa toh kibang ahi; tuachin tuipi ahing khang a, khumin inn khu ahing nawh a, hoitah a bawl ahi jieh in a kiliingsah zou sih hi. Tualeh a zaah chieng ua bawlloute khu innmun suongphuum umlou a lei tunga inn lam toh kibang ahi uhi. Tui ahing khang a, khumi inn ahing nawh a, khumin apuata hi, tuachin khumi inn siet dan khu ahuoise mama hi,” achi hi.
