Luke 5:1–11
Nuazui masate ahatna
Pasian thu ngainuom a mipiten thu gen dinga asawl lai un ama Genesaret tuipi pang ah ading hi. Khumin Aman gunkuong ni amu a, ngamante aleente uh sawp in gun kuong sung apat apawt uhi. Jesu gunkuong khat sungah aluut a, khum khu Simon a ahia, pieugei akipat a gamla deu a koi dingin asawl a, khumi sungah atou a, gunkuong akipat in mipite kungah thu ahil hi Athu gen azaw bepin Simon kungah, “Ngasa na mat nading in alithuuh lang ah na leen sep in,” achi hi. Simon in, “Siepa aw, zankhovaah in hapanin ka napang ua, bangma ka man sih uhi! Hinanleh na thu in ka leen ka sep ding hi,” chin adawng hi. Tambanga abawlzou bep un nga tampi khat ahing awh a, a leen uh a keeh khielta hi. Khumin gunkuong dang a um alawmte uh ahaan ua, ahing panpi uhi. Tualeh a gunkuongte geel uh dimseet in akoi ua, tui sungah a tum khiel zawbawn uhi. Khumi Simon Peter in amu bepin Jesu maia khupdin in, “Aw Topa, hing nuasie mai in, kei mikhiel kahi,” achi hi. Ama leh alawmten a nga matte uh jieh in lamdang asa mama uhi. Tualeh Simon lawmte Zebedi tate James leh John in zong khuchin abawl ua, Jesu’n Simon kungah “Zausin tu akipat in mihing na man tading hi,” chin agen hi. Tuachin akuongte uh tuipieu a ahing tawldoh jou un bangma jousie a nuasie ua, Jesu azuita uhi.
