Luke 4:38–44
Jesu’n Peter sungnu adamsah
Khumin kikhopna inn akipat in ahing pawtdoh a Simon inn ah apeita hi. Tua munah Simon sungnu damlou khosih in aum a, tualeh amanu a dingin Jesu kungah angen uhi. Khumin Jesu akungah ava ding a, a khosih pen aphawh a, tuachin ahing dam pai a, thakhat a thouin a na uh asep piehta hi.
Jesu’n mi tampi adamsah
Khumin nitum kuon in natna chituom tuom neite ahing zawpi ua, Aman atung uah abaan-baan in a khut angam a, adamsahta hi. Tualeh dawite zong mi tampi sung apat in ahing pawtdoh ua, “Nang Pasian Tapa nahi!” chin akikou ua, hinanleh Aman khumte khu aphawh a, Khrist ahi chi athei jieh un a haamkhiet ding uh aphalsih hi. Jesu thuhil dinga akuonkhietna Khumin khuo ahing vaah bepin munsip khat ah apei a, hinanleh mipi ten ama asui ua akungah ahing pei uhi. Hinanleh, Aman akung uah, “Tami bawl dinga sawl kahi jieh in, khopi dang ah zong vapei vangin Pasian gam thuhoi kava hil ding hi,” achi hi. Tuachin aman Judea gam a kikhopna innte ah thu ahil hi.
