Matthew 25:1–13
Ngahnu sawmte gentena
“Vantung gam pen ngahnu sawm, ameitaan uh tawia, zineidingpa vaidawn a kuonte toh gentethei ahi. Ngate amaw ua ngate apil uhi. Amoten meitaan akeng ua, meitui akentha sih uhi. Hinanleh apilten ameitaante uleh atui dim thawlte akiken ua, zineidingpa avaigei jieh in amaute ana lusu ua a-iimuta uhi. Hinanleh zankim in, ‘En in, zineidingpa hing tungding hita, adawn dingin hing kuon un,’ chin taang akitawhta hi. Tualeh ngahnute athou ua, ameitaan chiet uh akitawi chiet uhi. Amoten apilte kungah: ‘Ka meitaan uh mitta, na meitui uh hing hawm un,’ achi uhi. Hinanleh apilten, ‘Kou leh nou dingin kiching sih va, kuon unlen azuate kungah vakileita un,’ chin adawngta uhi. Alei dinga akuon kaal un, zineidingpa ahing tunga, tualeh amansa diem a na umte toh kinunna annkuong iim dingin akuonta uhi. Tuachin kot akikhahta hi. Tualeh ngahnu dangte ahing tung ua, “Topa* Topa kot hing hon in,” achi uhi. Hinanleh ama’n ‘Na kung uah thutah kahing gen ahi: Ken nou kahing theikha sih hi,’ chin adawngta hi. Tuajieh in, ani leh ahun natheilou jieh un, na ngah jingta un.
