Matthew 19:23–30
Hausat nawngkai dan
Tuachin Jesu’n anuazuite kung ah: “Chitahtahin kahing hilh ahi: Mi hausa dingin vangam luut ahamsa mama hi. Kahing hilh ahi: Mihausa vangam aluut sangin sangawngsau phinbil hawm a aluut abailamjaw hi,” achi hi. Nuazuiten tua thu ajaah chieng un, lamdang asa ua, “Koi hundam a umjou ding adiei?” achi uhi. Hinanleh Jesu’n amaute a en a, akung uah: “Tami mihing in abawl jousih ding a, hinanleh Pasian in bawlmaw anei sih hi,” achi hi. Tualeh Peter in akung ah:“Ngai in, kouten sil jousie taisan in nang kahing zui uhi, bang ka lemlaw ding uoi?”chin adong hi. Jesu’n akung uah: “Chitahtahin ka hing hil ahi, leitung tha a Mihing Tapa avang letna mangtouna tunga atou chiengin, kei hingzui noute pen Israel nam sawnlenite thukhen dingin mangtouna sawmleni tungah na tou ding uhi. Ka min jieh a a inn alou, asanggam numei, asanggam pasalte, anu apa atate leh agam taisan pouman aleza in amuding ua, kumtawn hinna aluo ding uhi. Hinanleh amasa mi tampite anukhia ding ua, anukhiate amasa ding uhi.
