Matthew 19:3–12
Tualeh Pharisaite akungah ahing haw ua, ama aze-etna un, “Thu khat pou pou paulap in mi khat in azi akhuulthei diei?” chin adong uhi. Aman adawnga: “Achiil akipat a asiempa’n numei leh pasal asiem ahi. ‘Tuajieh in, pasal in anu leh apa ataisan dinga, azi akawi dinga, amaugel sapumkhat asuohta ding uhi’: chi simkhalou nahi uh amah? Tua jiehin amaugel ni ahinon sih ua, khat ahijota uhi. Tualeh Pasian in agawmsate mihing in khenda hen,” chin adawng hi. Amauten akungah: “Bangdinga Mousi’n kikhuulna lai pieh a pasal khat in azi akhuulding ahi, achi ahiei?” achi uhi. Aman akung uah: “Mousi in na lungtang uh akhau jieh a na zikhuul ding uh aphal ahibou hi, hinanleh achiil akipat tambang ahingai sih hi. Tu’n ken kahing hilh ahi: Koipou in azi midang khat toh amaw jieh hilou pia, a khuula, tualeh mikhuulsa toh akiteen leh, aangkawm ahi,” achi hi. Anuazuiten akung ah: Zi tung taanga pasalte tuabang ding ahileh zinei malmal ahoisih hi,” achi uhi. Hinanleh Aman akung uah: “Tua thupen akipete loungaal mi jousien atheisiem sih ding uhi. Mi anu sung akipat a gesa a pieng aum ua, khenkhat mihing bawl a kiget aum ua, tualeh khenkhatte vangam ding jieh in ama uleh amau kiget a um uhi. Azuijou tapou in kizuita hen” achita hi.
