Matthew 17:14–20
Dawimat naupang khat Jesu’n a damsahna
Tualeh mipi lah a ahing tun chieng un; mi khat akungah ahing peia, ama sang ah khupdin in, “Topa, katapa khotuo in, ama ashibup jeel a, agenthei mama hi, meilah hileh tuilah hileh adinpua jeel hi. Na nuazuite kunga ka puileh amauten adamsahthei sih uhi,” achi hi. Tualeh Jesu’n “Ginna bei leh mi paangtatte aw, nalah uah bangtan vei um ding ka hiei? Ama ka kungah hingpui un,” achi hi. Tuachin Jesu’n ama ahousie a, tualeh dawi asung akipat in ahing pawt a, tangvaalpa thakhat in adamta hi. Tuajouin nua juite akungah atuom in ahing pei ua “Bangdinga kouten notdoh theilou kahi uoi?” achi uhi. Aman akung uah: “Na ginna uh atawm jieh ahi, chitahtah in kahing hil ahi, ankamtang chie gintaatna nei ulachin tami muol kungah: ‘Tana kipat khunah kisuon ta’n nachi uleh aki suon ding hi. Nou dingin bawlmaw bangma aumsih ding hi,” achita hi.
