Matthew 14:13–21
Mipi tulnga avahna
Tualeh Jesu’n tua thu ajaah chiengin, gunkuong khat in muntuom ah apeita hi. Hinanleh mipiten athei chieng un, khuo apat in keeng lampi’n ajuita uhi. Tualeh ama pen tuipieu a ahing pawt leh, mitampi khat amu a, alainat seeng jieh in anatnate uh adamsah siengta hi. Khumin nitah lam in nuazuite akungah ahing pei ua, “Tami munlah gamgaw ahia, avaigei lah hita’n, khosunga aneh ding uh kisui ding in mipite sawldoh ta’n,” achi hi. Jesu’n, “Pei da uheh, nouman aneh ding uh pie un,” achi hi. Tualeh amauten akungah: “Tanah tanghou nga leh ngasa ni maimai kanei uhi,” achi uhi. Aman, “Ka kungah hingtawi un,” achi hi. Tualeh loupa tunga touding in thu apie a, tanghou pheng nga leh ngasa ni khu ala a, vanlam enin, aguoljawl a, aphalsuo a, tanghoute anuazuite kungah apie a, tuachin anuazuiten mipite apesawnta uhi. Tualeh a unpi un anechiet ua, agilva chiet ua, anehval nengte akhop uleh seu sawmleni adim nalai hi. Anete numei leh naupang simlou in, piching ngen tulnga veel apha uhi.
