Matthew 14:1–12
Baptispa John shi thu
Tua hunlai a, leengpa Herod in Jesu minthan dan anajaah tah in, asuohte kungah: “Tami John Baptispa khu ahia, mishi lah a pat a thoukia ahita hi, silbawltheinate atunga aumpen tuajieh ahi,” achi hi. Ajiehpen Herod in asanggampa Philip zi Herodias jieh in John man in a elkaan a, thong ah akhumta hi. John in amapa kungah, “Tuaminu na kiteenpi asiengsih hi,” achi jieh ahi. John pen thatnuom nanleh mipiten guolnei khat a angaisut jieh un, mipite agiing hi. Hinanleh Herod pienni ahing tuntah in, Herodia tanu mihon lah ah alaam a Herod alungdamsahta hi. Tuajieh in anget pouma peding in thu achiemta hi. Khumin, amanu’n anu thusawl in, “Tana kuong sungah, Baptispa John lutang hingpien” achita hi. Leengpa alungkham a, hinanleh athuchiemte leh a annkuong impite ajataat jieh in pieh ding in thu achiemta hi. Tualeh mi asawl a, thong sunga John lutang atansahta hi. Tuajou in, alutang pen kuong khat in ahing dom ua, nungahnu apie ua, tua nu’n anu apesawnta hi. Tualeh anuazuiten aluong khu ahing la ua, avui ua, tualeh Jesu avahilta uhi.’
