Luke 12: 13-21
Mihausa mo gentena
Mipite lah a khatpa in Jesu kungah, “Siepa aw, ka sanggampa kungah gou hing kihawmpi dingin hing genpieh in,” achi hi. Hinanleh Aman akungah, “Nangpa aw, koi in kei nou tunga thukhen ding ahilouleh sil hawm pieh ding in ahing guot ei?” chin adawng hi. Tualeh Aman akung uah “Du aamnate akipat in kiveengsiem un, ajiehpen mihing hinna khu nei-le-lam tunga kinga ahisih hi,”achi hi. Khumin aman akung uah gentena thu khat agen a, “Mihausapa khat lou ah bu tampi apieng hi. Tualeh ama-le-ama aki ngaituo a,‘Ka bu koi nading mun khat beh lah ka neisih a, bang ka lawta diei?’achi hi. Tualeh aman, ‘Hichin kabawl ding hi:Taangsaal alienzaw khat lam vang in khum sungah ka van neite leh kabu ka koi ding hi. Tuachiengleh ka hinna kungah: Aw ka hinna, kum tampi mankhop ding van naneita a, ne in dawn inlen guolnop bawl in tawl damta in, kachi ding hi,’ chin angaituo hi. Hinanleh Pasian in ama kungah ‘Mimopa aw, tuzan in na hinna bei taleh nanei-nalamte koi a ahita diei?’ achi hi. Tuajieh in ama maimai a ding a hausatna kholte khu Pasian langah ahausa ahituomsih uhi,” achi hi.
