Matthew 11:20-24
Gingtalou khopite tunggih
Khumin akisialou jieh un, sil lamdang tampi abawlna khopite a houseta hi: “Korazin khopi aw, natung agih hi! Bethsaida khopi aw, natung agih hi! Nou lah a sil lamdang kibawlte Tai-ar leh Sidon ah kibawlta leh sai-ip puonsil in, vut lah ah tou in akisiajouta ding uhi. Hinanleh kahing hilh ahi, thukhenni chiengin nou thuoh ding saangin Taiar leh Sidon thuoh ding adan aumjo ding hi. Nang Kapernaum, van a tawisaang hiding kisa nahiei? Shina khuo donga vapei ding nahi. Na sunga sillamdang kibawlte Sodom khuo ah kibawlta leh tu dongin aum nalai ding uhi. Hinanleh kahing hilh ahi, thukhenni chienga nang thuoh dingte saangin Sodom khuo thuoh ding a dan aumjaw ding hi.
