Matthew 9:32-38
Ahaamtheilou adamsahna
Tualeh, apawt laitah un, ngai in, ahaamtheilou dawipai khat akungah ahing pui uhi. Khumin dawi adeldohtah in, ahaamtheiloupa ahing haamtheita hi. Khumin lamdang asa ua; “Israelte lah ah hichibang akimu ngaisih hi,”achita uhi. Hinanleh Pharisaiten“Dawimangpa hu vanga adeldoh ahi,” achi paupau uhi.
Mipi alainatna
Khumin Jesu’n akikhopna innte uah thu ahil a, leenggam thuhoi gen in, damloute leh natna jousie a damsah a, kholien leh khoneu jousie atuonkawi kawita hi.
Tuachin mipite khu aching ding bei keel nguoite banga gimthuoh leh kithethaanga aum uh amutah in alai natpita hi. Tualeh anuazuite kungah: “Bu laahding atam mama a, hinanleh aseemdingte atawm uhi; Tuajieh in bu lakhawm dinga naseemte hing sawlding in bunei Topa kungah ngen un,” achi hi.
