Matthew 7:6, 12-14
“Uite kungah silsiengthou pe sih un, voh masangah zong suongmantam pai sih un, akeeng in atuonchil dinga, tuachin nang hing hap ding in ahing kihei ding hi.
Gamtat hoi leh kot kochiih
Sil jousie ah mi’n nou tunga abawl ding nadei mabang un nouten zong midangte tungah bawl un, tuakhu dan thu leh guolneite thu ahi. “Kot kochiih ah luut un: manthaina jawtna kot ahileh alien a alampi zong abailam hi. Tuana luut atam uhi. Hinna jotna kot khu a kochiih a alampi zong ahamsa a, amute zong atawm uhi.
