Mark 10:46-52
Mitto Bartimai adamsahna
Khumin Jeriko khuo ahing tung ua, anuazuite leh mitampi toh tuamun nuasie dinga akisah un, lampi geia tou Timai tapa Bartimai mitto akhutdaw khat aum hi. Tuachin aman Nazareth Jesu ahi chi azaah chiengin, ahing kikouzaah a, “David tapa Jesu aw, hing lungsiet in!” achi hi. Tualeh mi tampiten, haam sin chin aphoh uhi. Hinanleh angaizaw seemin, “David Tapa aw, hing lungsiet in!”chin akikou hi. Tualeh Jesu akhawl a, “Va haan un,” achi hi. Tualeh mittopa haan in akungah, “Lunghimaw sinlen ding in, aman ahing haan hi,” achi uhi. Tuachin apuonzaal paidoh in ahing dinga, Jesu kungah ahing peita hi. Khumin Jesu’n akungah, “Nang dinga bang hing bawlpieh dingin nahing dei ei?” achi hi. Khumin mittopa’n akungah, “Khomutheina hing pien,” achi hi. Tualeh Jesu’n akungah, “Peita’n, na ginna in ahing damsahta hi,” achi hi. Tuachin thakhat in khuo amu a, lampi ah ama azuita hi.
