John 17:20-26
“Tamte maimai a ding kahing ngensih a, hinanleh athugen sawn uapat a kei hing gingtate adingin zong ka ngen hi, a unpi ua pumkhat ahing hithei nading un, Pa nang keima ah na uma, kei nangma ah ka um bangin, amaute zong eima a ahing umthei ua, tuachin nangin kei nahing sawl ahi chi leitung in agintaatthei nading leh nang leh kei pumkhat ihi mabangin, amaute zong pumkhat ahing hithei nading un, nangin kei nahing pieh loupinate ken amaute kapeta hi. Kei ama uah ka uma, tualeh amaute pumkhat ahing hithei nading un, nang keima ah na um hi, tuachin nang in kei nahing it mabanga amaute na it dan leh leitung in kei nahing sawl ahi dan atheisiem nading un. Pa aw, kei nahing pieh amaute zong lei kisiem masang a, nalungsietna jieh a kei dinga nahing pieh, kathupina mudingin, ka umna a kei toh umkhawm ding in kadei hi. Adihtah Pa aw, leitung in nang ahing theisih a, hinanleh ken kahing thei hi, tualeh nang kei nahing sawl ahi chi tamten zong athei uhi. Amaute kungah na min katheisahta a, tualeh kei nahing itna ngeel itna aneithei nading uleh kei ama ua ka umthei nadingin, katheisah zeel ding hi.”
