Matthew 28:16-20
Galili gam a nuazuite kunga Jesu akilahna
Jesu’n athupieh mabangin, nuazui sawmlekhatte Galili gama Jesu’n aguotna muol ah avahawta uhi. Tuachin Jesu amu chieng un ama abeta uhi; hinanleh khenkhat in atahsang sih uhi. Jesu ahingpei a akung uah: “Van leh leitunga thuneina jousie kei ahing kipe siengta hi. Tuajieh in noute pei unlen, nam jousie nuazui suohsah unlen, Pa leh Tapa leh Hagau Siengthou min in amaute baptis unlen, nou thu kahing piehsate zuiding in hil un; tualeh en un, leitung pumpi abei dongin keima noute toh ka um jing ding hi,” achita hi.
