John 15:1-8
Kei leengguipi dihtah kahi a, ka Pa ahuon neipa ahi. Kei apat a ba meeng galoute apaimang a, agate atamga seemseem nadingin aheungim hi. Nakung ua kathugen in noute ahing siengthousahta hi. Kei ah um un, kei zong nouma ah ka umding hi. Leenggui toh kizomlou ka hieng in ama tanga ga aneitheilou bang in, nouten zong kei a na umsih uleh ga neitheilou ding nahi uhi. Kei leengguipi kahia, noute abahiengte nahi uhi. Koipou keima a uma, kei ama a ka umna in, ga tampi asuong ding hi, ajiehpen kei ka telh sihleh bangma na bawlthei sih ding uhi. Mite kei a aumsih uleh, ahieng banga paikhiet in aum a, avul ding hi, tuachin atomkhawm ua, mei ah apai ua, akatumta hi. Noute keima a na um ua, kathu nouma a aum leh, nadei jousie uh ngen un, tuachin noute a dingin bawlpieh in aum ding hi. Noute ga tampi na suonna thu uah ka Pa nuazuite nahina uh aki chien hi.
