John 12:44-50
Jesu’n naupangte thu ahilna
Khumin Jesu akikoukhie a, “Koizong kei hing gingta khu kei hing gingta ahisih a, kei hing sawlpa gingta ahizaw hi. Koizong kei hing mu khu kei hing sawlpa mu ahi. Koizong kei hing gingtate miel a aumlou nading ua, kei leitung khovah banga hingpei kahi. Koipou kathu ngaikhie a keemloute atungtaang thu vai kahawm sih hi, ajiehpen leitung vaihawm dinga hingpei kahisih a leitung humbit dinga hingpei kahizaw hi. Koipou kei hing nuola, ka thugen saangloute, atung thu vaihawm ding khat anei uhi, nitawpni chieng in akunga ka thugen in atungtaang thu vai ahing hawmpieh ding hi. Ajiehpen Pa ahing sawlpa’n bang kachi gen a bang kachi hil ding ahiei chi thupiehte ahing pie hi, keiman ka ut banga thu gen kahisih hi. Tuachin ama hing thupiehte kumtawn hinna ahi chi kathei hi. Tuajieh in kagen jousie kapa hing hil banga kagen ahi,” achi hi.
