John 13:21-33, 36-38
Jesu’n amansahdingpa akawhmuna
Jesu’n tuachia thu agenzou in, alung akham a, “Na lah uah kei hing mansah ding khat na um uhi chi thutah kahing hil ahi,” chin amaute atheisahta hi. Koipen agenna ata diei chin nuazuite aki-entuo uhi. Nua zuite lah a Jesu’n a-itpa khu Jesu aang ah akingamphei a, tualeh Simon Peter in asiih-etphei a, akungah, “Koi agenna ahiei hing hil in,” achi hi. Tuachin a aanga kingam kawm in, aman akungah, “Topa koi ahiei?” achi hi. Jesu’n, “Tanghou themkhat kadiezou chieng a kapieh dingpapen ama ahi,” chin adawng hi. Tuachin themkhat adie zou in, Simon Iskariot tapa Judas kungah apie hi. Tuachin tang hou themkhat apiehzou in, dawi mangpa asungah aluutta hi. Tua zou in, “Bang bawl dinga kisa nahiei, bawl kin in,” achi hi. Tualeh dawkang geia umte koiman bangdinga tammi thu akunga agen ahiei chi atheitheisih uhi. Khenkhat in Judas sum keem ahi jieh a, “Annzalui chieng a ding in ituulmawte valei in,” ahisihleh migentheite kunga bang ahiei khat pie in achina khat hiva chin agingta uhi. Tuachin tanghou themkhat asaanzou in apawtdohpai a, khum hun khu zanlai ahi hi. Itna thupieh tha Tuachin apawtdohtah in Jesu’n, “Tunvang Mihing Tapa pahtawi in aumta, tuachin ama jieh in Pasian zong pahtawi in aumta hi, ama tung thu a Pasian pahtawi a aum leh ama Pasian ngeel in zong ama khu apahtawi ding a, thakhat in apahtawi ding hi. Noute toh tomnou khat sung um nalai ding kahi. Na hing sui ding ua, ‘Ka peinah nahing peithei sih ding uhi,’ chia Jiute kunga kagen bangin tu’n nakung uah kahing gen hi, Simon Peter in akungah, “Topa heia pei ding nahiei?” achi hi. Jesu’n, ‘Ka pei nading ah tun hing zuithei naisih va uteh, hinanleh a nua chieng in hing zui theiva uteh, chin adawng hi.
Peter in Jesu atheimawbawl ding kimagenna
Peter in akungah, “Topa tu a bangdinga hingzuitheilou ding kahiei? Nang dingin, kahinna kaphal hi,” achi hi. Jesu’n, “Kei dingin na hinna naphal ngeel nadiei? Thumvei nahing kitheimaw bawl masangsie aah khuong sihva, chi thudih kahing hil nahi,” chin adawng hi.
