John 4:43-54
Ni ni zou in apeia, Galili lam azuonta hi. Jesu ama ngei in, guol nei ama gam ah zataat in aumsih hi chi atheisa ahi jieh in, tuachin Galili gam ahing tunbep in, Galili miten ana lamdawn ua, amaute Jerusalem a peisan pawi a vahaw ahi jieh un asilbawl jousie avamu uhi. Galili gam a mithupipa tapa adam sahna Tuachin Galili gam Kana khuo a tui leenggazu asuohsahna mun ah atungkiata hi. Tualeh Kapernaum khuo ah atapa damlou a um mithupi khat aum hi, Aman Jesu Judea gam apat in Galili gam ah ahingpei hi chi azaah bep in, akungah avahaw a, tualeh tuana vahawsuh a atapa adam nading in angenta hi. Amapa lah ashikhiel ahita hi. Tualeh Jesu’n akungah, “Chiemtenate leh sillamdangte namu masangsie un, na gingta sih ding uhi,” achi hi. Ulienpan, “Pu aw, ka tapa ashi masang in hing hawsuh in,” achi hi. 50 Jesu’n akungah, “Peita’n, na tapa adam ding hi,” achi hi. Aman Jesu’n akunga athugen agingta a, apeita hi. Tuachin apeisuh lai in, asuohte toh akituoh ua, akungah “Na tapa damta,” chin ahil uhi. Tualeh aman akung uah, adam hun laitah adong a, tuachin amauten zani nai sagi hun in achithuo ahing pha hi, achi uhi. Apa in Jesu’n, “Na tapa adam ding hi,” chia akunga thu agen laitah tua hun ahi chi athei a, tuachin ama leh a innkuonpiten agingta ta uhi. Tami Judea gam apat a Galili gam ahing peia asil lamdang bawl aniveina ahi.
