Mark 12:28-34
Thupieh masapen
Khumin laigielte lah a khat ahingpei a, hoitah a dawnna apiehte amu a, khat-le-khat kiseeltuo a aum uh azaah chiengin, “Thupieh lah a amasapen bang ahiei?” chin Jesu adong hi. Khumin Jesu’n hichin adawng hi. “Amasapen ahileh, ‘Israelte aw, ngai un, Topa i Pasian uh, Topa khat ahi. Tuajieh in, Topa na Pasian khu nalungtang jousie, nahinna jousie, na lungsim jousie leh na haatna jousie a na it ding ahi.’ A nina ahileh tami ahi: ‘Nangma na ki-it banga na innveengte na it ding ahi,’ Tamte sanga thupizaw thupieh dang aumsih hi.” Khumin laigielpa’n, “Siepa nagen dih hi, Ama pen khat ahi chin dihtah in nagen a, ama loungaal koima dang aum sih ahi. Tuajieh in, ama lungtang jousie, lungsim jousie leh hatna jousie a it a, eima iki-it mabang a i-innveengte it khu haalmang sillatte leh kithoinate sangin athupizaw tham hi,” chin agen hi. Khumin Jesu’n piltah in adawng hi chi amu chiengin, akungah “Pasian gam toh nakigamla sih hi,” chin agen a, tuajou in koiman thu anuadoh sih uhi.
