Matthew 25:31-46
Thukhenna Ni
“Mihing Tapa in avansawlsiengte leh aloupinate toh ahingpei chiengin, avangletna mangtoupha tungah atou ding hi. Amasang ah nam jousie akikhawm ding ua, keelnguoite akhen bangin khat khat in akhenta ding hi. Keelnguoite azietlam ah akoi dinga, keelte aveilam ah akoi ding hi. Tualeh leengpa’n azietlama umte kungah: ‘Ka Pa thupha ngate aw, hing pei unlen, leitung kisiemchiil apat a nou dinga gam kibawlsate luota un. Ka gilkiel in nouten nehding nahing pie uhi. Ka khuolzinnah nahing zintun ua, guohtanga ka umleh puonsil nahing pie ua, ka chinat in nahing keem ua, thong kaluut in nahing ve jieh un,’ achi ding hi. Tua hun chiengin midihtatten;‘Topa na gilkiel laitah in nehding ka hingpie ua, na dangtah laitah in dawn ding kahing piehna uh bangchih lai ahiei? Zin a kahing mu ua, kahing zin tunna uleh guohtanga na um laitah a puon kahing sena uh bang chih lai ahiei? Na nat leh thong a na luut laia kahing vena uh bangchih lai ahiei?’chin adong ding uhi. Tualeh leengpa’n akung uah; “Thutah ka hinghil ahi; ‘Ka sanggamte lah a aneupen khat tung a na bawl uleh, kei tunga nabawl uh ahi chin amaute kadawngta ding hi. Khumin aveilamate kungah; Gausapna tangte aw, ka kunga kipat dawimangpa leh asawlkawite a dinga kisiem kumtawn meikuong phuolah kipeita un; kagil akiel a neh ding nahing pesih uhi; ka dang ataah a, ka dawn ding nahing pesih uhi; Zin ka hilaitah in zin tun na ding na hingpe sih uhi, guohtangin ka uma, puonsil nahing sesih uhi, ka nat leh ka jawn in, tualeh ka thongkiet laitah in nahing vesih uhi,’ chin amaute adawngta ding hi. Tualeh amauten adawng ding ua; ‘Topa na gilkiel in, tualeh na dangtah in, ahilouleh guohtang a na um in, na leh jawng leh thonga na kiet kahing mu ua, ka hing keplouna uh bangchih lai ahiei?’ achi ding uhi. Tualeh Aman akung uah; ‘Thutah ka hing hilh ahi,’ tam mineute lah a khat tunga na bawllou uh, ka tunga bawllou nahi uhi,’ chin amaute adawngta ding hi. Tuajouin, kumtawna gawt na sungah tua mite aluutding uhi; hinanleh midihtatte kumtawna hinna sungah aluutding uhi.”
