Matthew 6:1-6, 16-18
Simtham a deisahna silpieh
Na silhoi bawlte uh mi muding a na bawllou nading un pilvang un; tuachilou in na Pa uh van a um kungah nuomman neisihva uteh. “Tambangin, mi kunga sil napieh chieng un, milepchieten mipahtaat alawthei nading ua kikhopna inn leh gawlzing china abawl vateeh bang un na masang uah peengkul muutsah sin. Chitahtah in kahing hil ahi: nuomman amujouta uhi. Nangpen in mi kunga sil napieh na khut zietlam in abawlpen veilam in theisih hen, na silpiehte simtham a aumthei na dingin; tuachin na Pa uh aguuh a hingmupa’n ahing dawng ding hi.
Simthama thungetna
“Khumin, na thuum chieng un, milepchiete banga na gamtatlou ding uh ahi. Min amuthei nading un kikhopna inn leh gawlzing lamthuom vateh a dinga thunget pen athangpha vateh uhi. Chitahtah in kahing hil ahi, anuomman uh amujouta uhi. Nang pen na thuum chiengin na inndan sungah luut inlen, na kot khah inlen, na Pa simtham a umpa kungah thu kinget in. Tuachin na Pa simtham a hingmupa’n ahing dawng ding hi.
Ann-ngawl thu
“Ann na ngawl chieng un, milep chiete bangin ngui meel po sih un, midangten amaute ann-ngawl ahi uh chi athei nading un amaisuo uh atuomsah uhi. Chitahtah in kahing hilh ahi, anuom man uh amujouta uhi. Nangpen, in ann na ngawl chiengin na lu sathau nu inlen, na maiphiet sieng in. Tualeh simtham a um na Pa uh muna loungaal midangte muna ah ann ngawl na suunsih ding ua, tuachin na Pa simtham a mupa’n nuomman ahing peding hi.
