Luke 10:17–24
Sawmsagilenite hing kilena
Khumin sawmsagilenite kipah tah in ahing kile ua, hichin agen uhi: “Topa aw, na min jieh in dawite nasan zong ka khutnuoi uah ahing um uhi,” achi uhi. Tualeh aman akung uah, “Setan van akipat keeh hing kesuh banga kie kamu hi. Ngai un, guulte, mom-aite leh na gaalte uh thahaatna jousie tunga naa nasepthei na ding ua thuneina kahing pieh nahi ua, bangma ahing lawthei sih ding uhi. 20 Bangteng hinanleh dawite na khutnuoi ua aum jieh un kipah sih unlen, na min uh van a akigel jieh a nakipah zawh ding uh ahi,” achi hi.
Jesu’n kipahthu agenna
Khumi hunlaitah in ama Hagau Siengthou tungah akipah a, hichin agen hi: “Van leh lei Topa, ka Pa aw, na tungah kakipah hi. Nangman hichibang silte mipilte kungah naseelgu a, naungehte kungah na taahlang a, na thei siemsah hi. Ahi, Pa aw, Na lungsim siengthou khu tambang ahi. Bangma jousie ka Pa in ahing piehsa ahia, Pa loungaal Koiman Tapa athei sih hi. Ahilouleh Tapa in tahlatna dinga ateeldohte leh Tapa loungaal in koiman Pa khu koi e chi atheisih uhi,” achi hi. Jesu anuazuite langah akihei a, “Noute silmu bang a mu mitte ahampha uhi! Ajiehpen guolnei tampite leh leeng tampite in na silmu uh mu ana ut ua, ana musih ua, na sil zaahte uh aza ut ua, hinanleh ana zasih uhi.
