MANGPA KUNGA KILE KIA NGAI AHI.
By: Nu Neiching.
Zum sasa un tual ah i lumsuh ua, i zalatna un ahing khu tahi. Eite leh i pu i pate un i khandawn lai ua kipat tuni dawngin Mangpa I Pasian uh tungah i khielta ua, Mangpa I Pasian aw ina zui tasih uhi. (Jer 3:25)
Hing pei un, Mangpa kungah kinuale kia vai, Aman ahing bottelta a, hinanleh ahing sudam ding hi. Aman ahing liemsahta a, hinanleh ahing tuom pieh ding hi.
(Hosea 6:1)
Q, Mangpa kunga bang chi kile kia ding ahi diei?
= Iki lekia na dingte uh tambangin tahlang vai....
# Thudih a vaihawm ding, khentuam neilou a thukhen ding.....
# Khotuona nei ding, mi genthei, taga, meithaite khotuoh ding.....
# Dihtatna tunding ding, sum mutheina ahipouleh chi a, job card, PM Kisaan, Side income, Govt fund khat poupou dihlou tah a lah nonlou ding.....
# Meithai tagate tunga dihtat tah a vaihawmpieh ding, Amau tan ding silte nehmang pieh lou ding, meithai, tagate tanvou Mangpan agen banga pieh ding.....
# Pasian thugente ahi bangbanga jui ding, belap... Lahmang.... Bawltawm omsah nonlou ding....
# Mihing dan bawlte zanga hahkawl gih tahtah ki puohsah nonlou ding, hattuam bylaws te thuhuntha dungjui a bawltuoh ding.....
# Lungsim Siengthou nei ding, Lungsim a Siengthou ten Pasian muding chi ahi jiehin, lungtang thuop neite Mangpan akidah hi. David in lungtang Siengthou ana nget khu ngen dih mama hi.
# Eima tunga tung dinga i dei banga mite tunga bawl ding, Ei tate tunga tung dinga i dei banga mi tate zong deisah ding.
# Thuhunlui hinonlou a, thuhuntha dante/Jesu thuhilnate zui ding......
# Midang tungthu gen/ khen nonlou ding, Thukhenna i kungah kinga ahileh.... Eima tung thu kikhen dingdan a i dei banga mi tunga thukhen ding...... Etc, Etc.
# Hing kile kia un, nou nuatol tate, na nuatolna uh ka hing damsah ding hi. (Jer 3:22)
# Lampite ah ding unlen, en un, lampi lui hoi umna khu dawng unlen tua lampi hoi zui un. Tuachin na hagau ua dingin khawldamna na mu ding uhi(Jer 6:16)
# Aziehpen ken kithoina hilou in khotuona ka dei hi (Hosea 6:6)
# Akilat dan bangin thukhensih unlen, dihtat tahin thu khen zaw un. (John 7:24)
# Sil hoi bawl kizil unlen, thukhen vaihawmna dih sui unlen, mi sugentheite thuhil unlen, pa neiloute hum unlen, meithaite thugen pieh un. (Isai 1:17)
# Na umdante uhleh na silbawlte uh siempha un, tuachin Mangpan na tung ua sietna hing tung dinga aphuansa akikhelsah thei ding hi. (Jer 26:13)
# Aziehpen noute adinga Ka lungsim geldan ka thei zinga, na hun hing tung dingte uah kinepna peding, hoilouna ding hilou in na hamuanna ding uh ka ngaituo hi, Mangpan a chi hi. (Jer 29:11)
# Na kulkotpi te uah thutah thudihna leh lemna toh thukhen un.(Zer 8:16)
# Na innvengte uh sietna ding na lungtang un ngaituo sih heh, zuou a kichiem kilawp sih un, Tam silte zousie ka huat ahi Mangpan a chi hi. (Zer 8:17)
# Hing pei un ngaituo khom tadi vai, Mangpan a chi hi. Na khelnate uh san au bangin san nanleh vua bangin avam dinga, sandup bangin san nanleh samul bangin a ngou ding hi. (Isai 1:18)
# Gennoptah leh thumang tah a na om uhleh gam a pieng silhoite nane ding uhi. Hinanleh na utlou ua, na hel uhleh namsau a sattan in na um ding uhi, Mangpa Kam in agensa ahi. (Isai 1:19&20)
# Asil huat huaite uhleh asil kidah huaite uh lam a alunguh hei nalaite pen asilbawl uh bangin amau lutungah ka thuh ding hi, Mangpa Pasian in achi hi, chiin, a chi hi. (Eze 11:21)
Mangpa hatna aw ngaikhie in akunglam ah kile kia tava ui.
