Apeisa Ni 1 March 2025, in International Catholic Migration Commission (ICMC) leh Conference Catholic Bishop of India, Migrants for Commission panpina toh Manipur ah Meitei leh Kuki-Zo namkal gal jieha vaitaite dingin Seminar khat St. Thomas Parish, Singngat ah lawching tah in RVA ZO SERVICE ten sai uhi. Tammi hun in vaitai mi 63 relief camps tuamtuam apan hing tel uhi.
Tam program ah resource person in Dr. Steve Tungnung, Medical officer Singngat, Sister Marin Sennu FCC, Nurse leh Fr. Mung, St. Thomas Munpi topa in thu leh laa tampi tah genna nei uhi.
Dr. Steve Tungnung in thugen hunsung ama jong vaitai hi jiehin vaitaite thua gentheinate theisiem dan gen a, galtai tutan Health card neiloute ki suong lahlou ah gen ding leh athawn a bawlpi pai ding chin theisah hi. Galtai akoi tapou adamlou um leh ama kunga hing juan ah et-thei tan leh kep theitan kep ding in jong chiemna nei bana vaitaite dinga zatui, zahaa atuam nou ah akoipi dan jong theisah nanei hi.
Aman gen bena a i gam sunga khamthei nasatah in pung a, tuana kiveng dingdan thumapha tampi gen leh khamthei a addict leh lungsim buaite mudalou a hoitah nou ahoupi ah kem siem dingdan jong hilna nei sawnsawn hi.
Sr. Marin sennu in genna a relief camps um sung mi tampi umkhawm hi jiehin siengthouna natah nei ding leh bawl dingdan thutampi gen ban ah. Topa Mung in tasah leh lhagau damtheina thu mantam tampi genna nei hi.
Tam program a hingpei jousie zingmawng breakfast leh zing ann nee khawmna jong ki bawl ah, maban ah tam bang training um kia dingdan leh panlah dingdan jong vaisaite leh mipi hingtel kikupna jong nei uhi.
