Apeisa nimit 23 January, 2025 ni in Pu Trump in hinkhuo humbit (pro life activists) 23 angaidam hi. Kei president suoh leng hinkhuo humbit haw ka ngaidam ding hi chia president toumun ana del laia ana chiemsa ahi.
Pu Biden hun in USA ah nau lah ding phal in aum a, azong nau tamtah anu sung pan in akila hi. Tam pen Democratic Partyte phalna neia kibawl ahia, ngaina in Katholik Pawlpite’n ama ua, naulahna zatou ah thungen in aum uhi. Hichi’n Pu Biden hun mama in naulahna zatou tamtah ana kikha hi. Katholik pawlpi mite’n naulahna mun tuomtuom ah asun azan in khigui asut ua, naulahna atawp thei nadingin thu angen mielmuol uhi.
Pu Trump in president apuoh masah lai in “We will defend life” (hinkhuo ihumbit ding uhi) chi’n ana gen gige a, tutung kitelna adel laitah inzong hinkhuo humbit vai tualeh tam toh kisaia kumpi lui in ana matte ihunkhie ding uhi ana chisa ahi. Apeisa 23 January a Whilte House ana phuon ahia, tu’n mi 23 thong kiete akiladohta hi. Tam thu hi Thomas More Societyte’n ana phuon uh ahi.
Apeisa kal sungin biehna pawlpi toh kisaia thuneite’n presidentpa kungah mi 21 na ngaidam in chi’n ana ngen uhi. Nau suhmang lou ding ahi chi’n tua mi kiman 21 te’n mipi tana tawh uh ahia, America gam ah naulah mawngmawng phalsih vai chia na lamkai uh ahi. Amahaw’n naulahna clinic tuomtuom ah ava pei ua, thu angen uhi tualeh khuolai nawhna zong anei gige uhi. Ana kiman atamzaw tehpu tehpite ahi uhi. Tua thong kie lah ah tote, pastorte leh Japan Gal laia thong na kiete apang uhi. Pu Trump zinu Melania hi Katholik ahia, tualeh Pu Marco Rubio, Secretary of State leh Pu Vance, Vice President zong Katholik ahia ua, panmun lien luo phasa khat zong Katholik mi ahi uhi. Hichi’n tutung kitelna ah Katholik pawlpi mi in Kumpi sungah panmun thupipi aluo uhi. Hinkhuo humbitna tua kipan ahing hat deu va kichi chiet tualeh Pu Trump leh Katholik pawlpi mi panmun luotengin America hing thupisah kia va uh chi kinep um.
