Pu Pope Francis in Khuo leh hui tungtang a ei leitung mite etlawm khat ahileh St. Francis of Assisi achi hi. St. Francis of Assisi in ama hu laiin khuo leh hui kikheldan ana theisiem mama hi. St. Francis of Assisi in ganhingte toh itenton ding, sa hangte zong zuolsah ding, tungleng vate, sa leh ngate zong innsungmi banga ikep ding uhi ana chi hi.
Tam dungzui in St. Francis of Assisi in tungleng vate dingin thu agen a vate angai uhi. Tualeh khatvei Rome khuopi ah voh honpi kungah thu agen kia a voh honte’n athugen angai uhi. Tui pieu azong ngate dinga thu agen chieng ngate’n St. Francis of Assisi thugen ana ngai uhi.
“Leitung hi i inn chiet uh ahia, tami inn kem ding nang leh ihi zieh in i leitung kemhoi vai len leitung lumdan (Global warming) lainat na nei chiet vai”, chi’n Pope Francis in agen hi.
Khuo leh hui ang kikhel chieng in khuo leh tui pamlam a om migenthei, miliengvai, nela talate, sum leh pai neitho lote’n athuohla deudeu a, mihaute leh aneitho alamthote’n athuohla seng sih uhi. Itheisa mabang un leitung hi alum deudeu a, a nieh deudeu hi. Tami hi nisim a kibe deudeu nalai ahi. Tuazieh in leitung i itna hi themkhat beh belap vai, i khuo itui sientho nadingin hanchiem vai, i ann neh ituidon te sientho nading eima khom no in hanchiem vai, leitung kemsiemte ihi nading un pan la chiet vai chi’n khat leh khat iki chiel uhi.
#rvazoservice #rvapastoralcare #environment
