Tuni Ni 23 February 2025 in St. Xavier's Unit Immanuel Khopi ten Grotto etlawm tah siensuona leh honna nei uhi.

Immanuel Catholic pawlpite’n  St. Xavier Grotto siensuonna leh honna nei uh.

Tuni Ni 23 February 2023 in, St. Xavier Unit pawlpi ten Nu Mari Grotto, Immanuel khopi a siensuonna leh honna nei uhi. Tammi Grotto Thupha piena Topa Stephen Touthang in nei ah, Sawtlou thugenna ah, Grotto inei a thungetna inei sileh aka natna umsih ah, tuajiehin tammi Grotto mun  thungenna Munpi hisah teitei unlen, Biehinn kai nangpei sim un, hun sawtlou Nu Mari Grotto mai ah thungetna na innkluanpite toh nei un chi’n hawnthawn na nei hi. 

Tualeh tam Grotto ki siensuon jou in, Zou Latna Siengthou masapen dingin bieninn sunga nei ua, tuana Topa Mark Aimeng, Associate Parish Priest, Tuibuang in mapui hi.

Genkhiel lou leh Lamka sunga Unit biehinn tammi um lah Grotto nei masapen jong Immanuel pawlpite hi dingnin jong ki thei ah, pawlpi mite patatna sang pen ipie uhi.
 

ST. XAVIER’S UNIT HUNG PIEN DAN TOMKIM

Kum 2017 in Rosary ha (May le October) hasung in Thingkangphai, Songsiboh, L.Joujang leh Immanuel a Catholic Inn tamlou umte’n Innsuon ah Khigui thungetna ki nei koikoi in, tua lai a ana lamkai khenkhat minphah thei te ahi uleh : Sie Peter Kammang, Pa John Kamkhanthang, Pa Xavier Nengkhanlam, Pa Lawrence Holmang, Pa Michael Siandong, Pa John Ginsianthang te ana hi uhi.

 Hun bang tan e khat tambang a Innsuon a khigui thunget na ana kinei bep in, St. John Unit, NKT ana um nan leh Ham-le-Pau themkhat ki bahlou jieh in Lamkai khenkhat ten St, John Unit Lamkai te kimupi ua, Unit Thah phukhiet nading phalna ( No Objection) St. John;s Unit Lamkai te apat ana lah in, tuo jo bep in Parish Priest Rev. Fr. Emmanuel Kholi kimupi ua, Unit thah phukhiet ding lung gel anei dan uh ana kikup pi uhi. Parish Priest pa’n jong lem sah pi in kipapih mahmah hi.

 December 3 2018 in Pa John Kamkhanthang INN, Immanuel Khopi ah St. Xavier’s Unit Pen Good Shepherd Parish nuai a unit khat hiding in Rev, Fr. Emmanuel Kholi, Parish Priest in Puankhiet na ana nei hi. ST. XAVIER chia minlaw ahinasan ahi leh Pa Xavier Nengkhanlam min apansa kila ahia, tua leh Pa Xavier Lampu in Vohkhat gou in amin pu hina toh thupi tah in ana kilawm hi. 

St.Xavier dinkhiet ahi joh in Nipi nitah kikhop na Innsuon ah ana ki nei koikoi a, Immanuel, Zoujang, Songsiboh leh Thingkangphai rotation in ana kibawl hi. Hun tomkhat nua in Lamkai ding kisep in Pa John Kamkhanthang-Chairman, Pa Xavier Nengkhanlam-Secretary, Pa Lawrence Holmang- Treasurer leh Sie Peter Kammang Local Catechist in ana ki jang uhi.

 Nipi nitah kikhop na kisuon koikoi pen a nongkai jieh in Pa John Kamkhan thang Chairman in a Inn Kakhat hing-ot in tua nah nipi nitah simsial in ana kikhom jel hi. Kum 2023, May 3rd nia patsa Meiteei gal um jiah in tambang kikhop napen a paijom thei non lou bep in Pa John Kamkhanthang Inn pen hung lemchang non lou in tua na pan sa Biah Inn lam ahithei nading in Lamkai ten pan hing latou in Biah inn pen 3rd December 2023 in honna leh sien suo na Rev. Fr. Stephen Touthang, Parish Priest in ana nei hi.

 Vangsiet tung tang hinan leh, Gal le tual jieh in pawlpi mi kibelap tou jel in Kum 2024 October (Rosary ha) in Immanuel, Zoujang, Songsiboh, Khupgouveng, Thingkangphai leh Zomi Bethel a catholic innkuan umteng Group 3 a ki hawm in nisim in Rosary thu ngetna ana kinei hi. Tua nah Minal khat le ni leh Innei te kiphal na bang a maitam hing kilui te agom in 24k+ kimu hi. 

Tam bang ahibep in Lamkai te lungsim a Pasian in na hing sem in Nu Mari Kunga thunget kukalsem nadingin Nu Mary GROTTO bolding chi lemsah in umhi. Tam Grotto bawl nading ah, Lamkai te deina bang in Pa Philip Thangkhanpau, Pa Lawrence Zou leh Pa Benjamin te Committee a guot ahi uhi. Committee te hapan najal in innsuan ah kiphal daan jil in Nu Mary Grotto lamnading in ana kivah koikoi hi. Sum-le-pai mudan jil leh neikhamkham in tam Grotto anakilam tou jel a, akisam leh avat bang jel in pawlpi sum jang kom in tunin honthei in a um ta hi. 

Tamtan Chieng a hingpui tu Pa Pasian Min Phat in um tahen, tua leh Tambang lochin nading a Sum le pai , tha le jung hing tuah jousie, adieh in Committee te tung a Mipi le Lamkai teng tha tang in kipathu sangpen katut ahi. Mangpan hisang a hoijo leh thupi jo a Mangna sem thei ding in hing gualzawl chiet ta uhen.