Matthew 22:15–21
Phiengsie sun thu kidohna
Tuajouin, ama thugennate apat a amatthei nading un, Pharisaite akikum dingin apeita uhi. Tualeh amauten anuazuite uleh Herod mite Jesu kungah asawl ua, tualeh amaute’n akungah, “Siepa aw, nang midihtat nahi chi kathei ua, Pasian thu dihtah in na hil a hinanleh mite bangma’n nasim sih hi, ajiehpen nang in mihingte dinmun bangma in nangaisih hi. Kaisar kunga sie pieh ding asien leh asienlou thu na ngaidan koute hing hilh in,” achi uhi. Hinanleh Jesu’n amaute lungsim siet dante atheia, tualeh akung uah, “Milepchiete aw, bangdinga nahing ze-et uh amah? Na sie pieh sawm uh sum hing ensah un,” achi hi. Tualeh amauten dangka khat ahing la ua, tualeh Jesu’n akung uah, “Tami koi lim leh koi min ahiei,” chi’n adongta hi. Amaute’n “Kaisar a ahi,” achi uhi. Khumin Aman akung uah, “Kaisar silte Kaisar kungah pie unlen, tualeh Pasian silte Pasian kungah pie un,” achita hi.
