Luke 5: 33-39
Ann-ngawl thu dohna
Khumin amaute'n akungah, “John nuazuite'n ann ngawl in thu angen zing ua, khum mabang in pharisai nuazuite'n zong abawl uhi; hinanleh nang ate pen neh-leh-dawn in aum uhi,” achi uhi. Tualeh Jesu’n akung uah, “Kiteenna manga hingpeite'n mouneipa akung ua a um laisie ann angawl ding uh amah? Mouneipa akung uakipat a laahdoh hun ahing tung ding a, khumi nite ahing tun chieng in ann angawl ding uhi,” achi hi. Tualeh aman akung uah gentena thu khat zong agen a, “Koiman puon tha ehkeeh in puonlui phawna’n anei ngaisih hi. Tuabangin bawlta leh, a tha pen bawkeeh ahing hi dinga, puontha leh alui a akituoh theisih ding hi. Tualeh koiman zu-uum lui sungah zu tha akoi ngaisih hi. Koita leh, zu tha in a koina bung lui pen a phukeeh dinga, a luongkhe ding hi. Hinanleh zu tha pen zu uum tha a koi ding ahi. Tualeh zu lui dawn zou chieng in koiman a tha a eeng sih uhi, ajiehpen zu lui hoi achi thou uhi,” achi hi.
