Matthew 6:24-34
Pasian leh nei-le-lamte
“Koima’n lamkai ni naa aseem khawmthei sih, khat muda in khat adei bawldinga, ahilouleh khat gum in, khatpen anuol ding hi. Pasian leh sum naa naseemkhawmthei sihding uhi.
Lungdonna leh Pasian muonna
“Tuajieh in bang kane in, bang ka dawn in, bang ka sil in, ka pumpi bang asuohta diei, chin na hindan ding uh lungkhampi sih un, chin kahing hil ahi. Nehding sangin hinna athupijaw hilou amah? Sil leh teen sangin na sapum uh athupijaw hilou amah? “Tung leeng vate khu en un, bu atusih ua, a aattuon sih uhi. Bu koina azong asungtuonsih uhi. Hinanleh van a na Pa un aneh ding uh a pejeel hi. Noute khumte sangin na manpha jaw hilou nahi uh amah? Tualeh na lah ua lungkham jieh a ama dunglam tong khat a saube sahthei koi ahiei? Bangdinga sil-le-teen thu a lungkham nahi uoi? Gamlah a lilipahte khandan hoitah in ngaituo un; naa lah aseemsih ua, pat zong akheeh sih uhi. Hinanleh ka hinghil ahi; Solomon ngeel zong athupina jousie toh akizep vangin, tam lilipahpe bangin akijeem jousih hi. Tuachin gamlah a loupa tunia hinga, azingnia meikhuuh sunga paiding bawn Pasian in hichikhop a jeem ahileh nou ginna tawmte aw, sil-le-teen hing guon jo thamlou ding amah? Tuajieh in bang i ne in, bang i dawnta diei, bang isilta diei chin lungkham sih un. Jentelten tamte jousie asuijeel uhi. Tamte na tasam uhi chi na Pa uh van a um in atheisiemna hi. Hinanleh aleeng Pasian gam leh adihtatna sui masa phot un, tuachin tamte jousie ahing kipiehbe ding hi. “Tuajieh in zing chieng adingin lungkham sih un, zingni in zong ama-le-ama aki buoipi nading hi. Nikhat a dingin nikhat gimthuoh ahun hi.
