Malaysia catholic numei khat gallai pan nasatah na lah jiehin mi siengthou nga thei ding chin amiten tangkou
Nidanglai Japan ten Malaysia na uuh ua, mite’n zalenna amu theina dingun Japante nasatah in na dou uhi, tuahun in catholic numei Sybil Kathigasu kichi Nu in jong amite langpang lou in Japan dou ah pang mite na panpi in bawlsietnate Japante khut ah na thua jing jiehin tu’n beautification leh canonization nga hen chin catholic Pawlpi miten ngetna nei uhi.
Ama Tanchin pen Apeisa 15 August ni’n Brigadier (Rtd) Fitzgerald Augustine St. Ignitius Church, Petaling Jaya, Archdiocese of Kuala Lampur ah luikhietna leh sim khietna nanei hi. Ama’n shi dingtan leh innkuanpite tha dingtan in na ki galgih nanleh catholic tasanna toh pan nasatah in nalah in mite na langpan vawt nuam sih hi.
Parish ah Pawlpi mite’n Sybil in mi siengthou nga heh chin Sybil limte akhut ua toi un, thungetna toh lampi juina nei uhi. Tuahun ah Archbishop Julian Leow in mite kunga mi siengthou nga theina dingin sybil in shi jounua sil lamdang kilahna neite leh etsana dingte akunga pie dingin ngetna nei hi.
Sybil in Mi siengthou nga hen chin Pu Cardinal in Sabestian Francis in 2024 kum in na ngen leh na pan hi. Aman mite kunga catholicte’n i tasana uh Sybil tasanna bangin detsa in panlah dingin chiel hi.
Japante’n Malaysia na uuh lai in Sybil leh pasal Dr. Addon Clement toh Clinic Ipoh and Papan kichi na hong gel ah, tuana Japan galkap dou amite aliem, avaite na kem in na jen gel hi. Mite na jen jiehin Japan galkapte’n galgih nanleh mite langpanglou jieihin thong ah na kie ah, bawlsietna tampi na thuah in, Thong um sungin bawlsietna thuah nanleh thungetna leh khigui thungetna nanei zing hi.
Sybil in mite langpanglou jiehin 1948 in Japante bawlsietna natnate thua joulou na shi hi. Kum 1947 in pahtawina George medal kichi khat pie in na um a, tuami apat in mite’n Japante khuta zalenna ngana dinga nasatah pan na lahdan hing thei uhi. Ama hileh St. Michael Church Cemetry ah na kivui hi.
