Federation of Asian Bishop Conference President Cardinal Pu Felipe Neri Ferrao in FABC 12veina Khawmpi kipanna thugena ah ‘’Asia gamkai, chi-le-nam tuom, ham-le-pau tuom, tawndan-ngaina tuomtuom te ihi jiehuni catholic pawlpi etlawm in, hatna in kidim mama uhi chin hing kikhawm mite kunga gen hi.
‘’Asia gam ah tawndan,ingainate tuomtuom chiet ahia, ipawlte ilawm jel ua, tuami in Pawlpi sung leh Asia gamkai gamte etlawm sah mama’’ hi chin FABC kipatni’n thugenna nei masa hi.
FABC 12veina khawmpi kipatni’n Indonesia miten tawndan, ngaina, lamte leh ngaina tumgingte hing talat ua, etlawm in Asia gamkaite ngaina chietnei ngen ahi chi’n tuatoh latna siengthou nei in Khawmpi patna nei pai ngal uh hi.
Cardinal Pu Felipe in FABC tangthu tanchin sutna ah, FABC pen 1970 kum in Pu Pope Paul VII Phillipines ahing zinlai ah ki phut ahidan gen kawm in tammi apat Asia gamkai Cardinalte, Bishopte leh siempute hing ki phunkhawm in tuami apat Asia gamkai catholic Pawlpi hatna leh Vatican ah kinaina leh ki itna hing pung sem tah ahi chin thu ngai mite kunga phuong hi.
FABC thakhel in Cardinal Pu Felipe Neri in Indonesia catholic Pawlpi, Indonesia Bishop Conference leh Indonesia Kumpite adiehin Pu Nasaruddin Minister of Religious Affairs kunga bangma nongkaina leh buainate tuosahlou in vaidawtna leh tam Khawmpi zintun kilawmtah nou anei jiehun napitah in alungdam thu uh phuong hi.
Atawp thugenna ah Asia gamkai pen ham-le-pau tuom, tawndan tuom, nee-le-dawn tuom, ngaina tuomtuom hinanlei jong tamte jiehin Pawlpi etlawm ah, hatna tung ahi chin FABC 12veina kikhawmpi ah hingpeite kunga hawnthawn nei in thungetna toh ahun khana nei hi.
