Pope Leo XIV in mi bawlsiet leh bawl gentheina nathuoh te Lourdes ah akimupi a, Venghim dingin chiem
Pope Leo XIV in September 27 ni’n France gam a Lourdes ah clerical sexual abuse nathuoh mi sagi ava kimupi hi, “bawlsietna jieh a liemna” thuoh nalaite toh akinai thu agen hi.
Vatican News thuphuon dan in, akimupite lah ah pasal mili leh numei mithum parish, boarding school, sakhuo hileh pawlpi tuom tuom a bawlsietna nathuohte ahi uhi. Shrine of Our Lady of Lourdes geia bishop inn ah nai ni sung akimu uhi.
Holy See Press Office gendan in Pope Leo in amaute khatkhat in atuom tuom in akimupi a, agentheina tangthute uh angai pieh hi. Tualeh tamte venna dingin amaute ngadan zong angai khie hi.
Akimutuo jou un Pu Pope in atangthute uh agen jieh un kipahthu agen a tualeh midang tunga tam silsie atunlou nadinga pan alah dante aphuong hi chi’n Vatican News in aphuong hi.
Tua mi sagite hina dihtah theichien ahisih a, amaute lah ah Jean-Marie Delbos, Jérôme Guillement, Véronique Garnier, Olivier Mardi leh Bertrand Virieux atel a adang mini tegel akiphuong doh nuomsih gel hi. Amaute lah ah Abbé Pierre in ana bawlsiet mi zong atel hi.
Tam mi sagite hi French Bishops’ Conference leh the Conference of Men and Women Religious of France in mi 40 akikuppi jou a atel doh uh ahi. Pope toh kimutuo a kihoutheina hun aneithei nading ua mi tami kitel doh lou ahi.
