Matthew 25:14-30
Talent kihawm
“Pasal khat in akhuolzin kuona asuohte ahat a, anei alam jousie akepsah toh kibang ahi. Asuohpa khat kungah talent nga apie a, asuohpa dang khat talent ni apie a, suoh dangkhat kungah khat apie a, abawlthei ja chiet ua dingin a hawmta hi. Tualeh talent nga sangpa’n summeet ana bawl paia, talent nga dang amubeta hi. Talent ni sangpa’n zong tua mabangin talent ni ma ameetsahta hi. Hinanleh talent khat sangpa akuon a, lei atou a, apupa sum aphumta hi. Hun sawt nua in, tua suohte pupa ahing tunga, amau toh a sum thu atuotta uhi. Tualeh talent nga sangpa ahing kipan a “Pu aw, talent nga nahing keemsah a, tu’n talent ngama ka meetsahta hi,” achi hi. Apupa’n akungah: ‘Suoh hoi leh muonhuoipa, na seemhoi chie, themkhat tungah namuonhuoi a, tampi tungah vaihawm in kahing pangsah ding hi. Na pupa toh lungdam khawm in’ achi hi. Tualeh talent ni sangpa ahing peia, ‘Pu aw, kei talent ni nahing keemsah hi. En in, talent ni ma ka meetsah hi,’ achi hi. Apu’n akung ah:“Suoh hoi leh muon huoipa, na seemhoi hi, tawmnou khat tunga na muonhuoi jieh in tampi tungah vaihawm in kahing koiding hi. Na pupa toh lungdam khawm in, achita hi. Talent khat keempa zong ahing kuon a: ‘Ka pu, migen ha nahi a, na tulou na ah na aat a, na thelouna ah zong na luoh a, tuajieh in ka zau a, ka kuon a na talent pen lei nuoiah ka phuumta hi. Tu’n na neisa khu kilahta’n,’ achi hi. Hinanleh apupa’n adawnga; akungah, ‘Nang migiloupa, suoh thadapa, ka tulou nah ka aat a, ka thelounah ka luohkhawm hi chi nathei maw? Ka sum pen sum kholte kungah nakoi lachin kahing tun chiengin ka sumpi leh ameette ka kilahthei ding hi. Amapa talent lah pieh unlen, talent sawm neipa kungah piehbe un. Koi hinanleh aneite akipiehbe dinga, akiching in anei ding hi, hinanleh aneiloute pen aneisun akilahpieh ding hi. Tuachi’n suoh phatuomloupa pulam miel ah apai ta ua, tuanah kap-leh-hagawi in aumta hi.’
