Luke 4:31-37
Jesun dawipai khat adamsahna
Khumin Galili gam a khopi khat Kapernaum kichi ah apei a, khawlni in amaute thu ahil hi. Thuneina toh thu agen jieh in a thuhilte lamdang asa mama uhi. Khumin kikhopna inn sungah dawi in amat pasal khat aum a, aw ngaitah in ahing kikou a, “Aw! Nazareth Jesu, kou bang hing law sawm nahiei? Ahing mangthaisah dinga hing pei namah? Nang Pasian mi Sieng thou khat nahi chi kahing thei hi,” achi hi. Hinanleh Jesu’n akungah, “Haam tam sinlen, amapa sung aki pat in hing pawtdoh in,” chin aphawh hi. Tualeh dawi in amapa amai ua apuasahjou in, bangma dang lawlou in ahing pawtdohta hi. Khumin lam dang asachiet ua, “Tampa bang gen ahiei? Thuneitah in hagau sienglou thu apie a, amaute ahing pawtdoh uhi,” chin akihoulim uhi. Tualeh khumi gam kiimveel ah tua thu a kithangta hi.
