Zato inna Siempu suona nga, ni 51 jou in Philippines ah si

Zato inna Siempu suona nga, ni 51 jou in Philippines ah si

Laos pan a simepu khat Manila a zato inna apeisa ni 51 masanga suhdetna na nga pen August 2 ni’n muolliem.

Apostolic Vicariate of Pakse pan a Father Khamsan Mim Khounthichak hi cancer natna jieh a sotpi tah damlo a naki zen ahi. Ama hi ni 51 sung siempu ahi man hi. August 2 ni’n St Vincent School of Theology, Quezon City, Philippines ah a muolliem tahi chi’n , Father Daniel Franklin E. Pilario, professor of theology in RVA News kungah agen hi.

Tualeh August 3 ni’n Father Khamsan luong pen aki haal ta hi.

Apeisa June 13 ni’n ama ngetna leh Pakse bishop phalna toh Bishop Rolando Crisostomo Santos of Alotau-Sodeia diocese, Papua New Guinea in suhdetna ana pie ahi.

Topa Khamsan hi Laos diocese a khandong feltah leh lamkai khat ana hi a. 2008 kum in Manila ah theology sim dinga na pei ahi. Adamson University Manila ah theology ana sin hi.

May 2022 Theology a graduation azo kuan lam in a el a thuohla a tualeh alampei ahing kisuhmo pan tahi. Zatou siemte etkol na leh anatna suichien ahi zo in bone marrow cancer ahi chi ahing kithei a tualeh final stage ana hita hi.

Adamlo jieh leh ama dimun jieh in amapa hi aki zenna zato inn ah suhdetna nga theina phalna aki pie a tualeh alupna tung pan in suhdetna anga hi.

Alawmpa Father Trieu Pham Minh gen dan in Father Khamsan hi Laos kumpi in Pasian thu agen jieh in nivei thong ana kiesah uhi chi’n agen hi.

Laos a mi 7.2 million om lah a Katholilk pawlpi hi te hi 60,000 maimai ahi ua tualeh atamzo hi Vietnamese leh Hmong lhah te ahi uhi.

The Apostolic Vicariate of Pakse in Champasak, Saravan, Xeguang, leh Attapu province te ahuap a tualeh mi 1.3 million apha uhi. The Apostolic Vicariate of Pakse nei ah Katholik 15,000 vel mun tuomtuom a parish 46 leh mission station ah a om uhi.

Add new comment

2 + 6 =