USA Innpi ah buoina lienpitah tung

USA Innpi ah buoina lienpitah tung: Ei Khristien kichitengin agam dingun thumna nei vai

Apeisa Nipi zaw Ni Thum Ni (Wednesday) ni in USA a Innpi ah buoina lienpi atunga leitung buppi in aen ua, lamdang akisa chiet hi ajieh pen USA hi leitung Mipi Uhna (Democracy) lien pen leh gam khangto pen ahia, ahivangin khatvei lai pieng silte ietleh, dahuoi kisa chiet. Leitung pumpi in USA pen gam khangno pen in akoia, tualeh gam tuomtuom a mipte’n tam gam tung thaw leng achi chiet uhi, hinanleh tulai tah in agam mite avuikhut laitah uh ahi. Itheisa mabangin kitelna nukhia ah Pu Donald Trump in ajothaw tasih a, Pu Joe Biden pen juouthu toh kai ahibo hi chi’n ha phin in akiphin hi. Pu Biden pen Democrat Party mi ahia, ama pen maban a USA President ding ahita hi chia apeisa January ni 06 nia a partyte’n suhdetna apieh sawm laitah un Pu Trump langa pangte’n Innpi abulu ua, numei khat policete’n akap lia uhi.

Sieleh phaleh, ei Khristien Pawlpi josie in USA a dingin thu ngen chiet vai chi’n RVA zo vai inn pan in hing chiel ung. USA jieh in leitung pumpi in phattuomna imu uhi. Kei zong li vei kava zinta a, bishopte, siempute leh imi isate panpina ka mu a, RVA Zo vaiguol inzong akinoptuompi mama hi. USA pen Pasian vang apieh gam ahi chilei chikhielsih vai. Ahi’n tu leh tu in kumpi kitelna ah abuoi tadi ua, hepi huoi zaw bawn uh. Koima mawsiet ding zong om tuonsih. Azong mawsiet ding kilawmsih. Ei Khristiante bawl thei pen ahileh, thungetna ma ahi. Gamchin siempu i Mangpa Pasian USA thupha pieta hen. USA Damsawt Hen.

Add new comment

2 + 2 =