Topa Travis Clark leh numei kizua ni biehinn sunga tautungah akipawl uhi

Topa Travis Clark leh numei kizua ni biehinn sunga tautungah akipawl uhi

Tam thu hi gen ding zum huoi, hitama lezong gen ding kilawm. Gensih leizong ni khat nia hing ki gen veve ding ahijieh jieh in hing gendoh mai va ing. Katholik Pawlpi hi leitunga pawlpi lien pen leh pawlpi kizatat pen ahivangin, minsietna dim pawlpi zong ahi. Apeisa October ni 1 ni’n, Louisiana State (USA) a Katholik biehinn sunga tautungah (altar) tuana munpi topa (parish priest) leh numei kizua ni akipawl ua, tua siempupa’n Mass Siengtho bawlna puon asilhaw asut naisih hi. Tuami munpi a biehinn kai zing pasal khat in kotvah (window) pan in ana mukha hi. Nitah lam ahita a, biehinn sunga mei avah nalai jieh in ava enleh, tautunga topa leh numei ni kipawl ava mukhata hi.

Tau gei ah mobile phone khat, atunna (mobile tripod) tunga kikhang khat zong akimu a, tua akipawl laitah uh akap uhi. Athum un mimante’n (police) aman ua, thongah akhumta uhi. Numeitegel pen thu akisit ua, ahata uhi. Tua numei ni lah a khat ahileh Mindy Dixon akichia, kum 41 a upa ahita a, numei kizuana sai khat ahi. Thu akisitleh hichi’n agen a: “Kei pen New Orleans a biehinn khat haltum dinga kuon kahi” achi valong hi. Topa Travis Clark hi St.Pope John Paul II Sanginn a chaplain (entup) a zong pang ahia, ama pan masanga topa khat zong pasal naupang khat abawl siet jieh in ana kihawlmangta hi.

Katholik Pawlpi biehinn sunga tambanga chizat huoi sil pieng hi, America gam a dinga masa pen ahia, Katholik Pawlpite aminsie mama uhi. Tua numei ni pen Topa Travis in athap ahi chi’n akigen hi. New Orleans Diocese a siempupi (bishop) pa in tua tau pen ahaltumta hi, ajieh hi hichia thanghuoi tah a kizang tautung pen Topa Jesu shi leh sa tun nadingin akilawm nawnsih hi achi hi.

Topa Travis puontuol akisutpiehta a, tu’n thongah aom hi. Siempu ahi nawnsih hi. Ahamsietleh, shina tan dantana (death sentence) tang thei khava. Khantona gam a tambang sil pieng pen, chizat huoi sengseng.

Add new comment

5 + 4 =