St. Josephs ' Higher Secondary School Building honna kinei

St. Josephs ' Higher Secondary School Building honna kinei

Apeisa June ni 8 ni’n St. Joseph's Parish Sugnu ah St. Joseph's Hr. Sec. School building honna leh thupha piehna akinei. Pu Archbishop Dominic Lumon in tam sanginn thupha piehna leh honna anei hi.

Mun tuomtuom a pat fatherte leh sisterte zong tami vai uop dingin ahing kalsuon uhi. Sanginn honna akinei jo in naupangter kiapmaina mun (Childrens' Park) zong Pu Arbishop in honna leh thupha piehna anei kia hi.

 

Sang inn honna aki nei jo in vai tomkhat St. Joseph's School auditorium ah akimanga, tam vai honna dingin Rev. Fr. Albert Kom,

Vice Principal leh Assistant Parish priest in vaihon thungetna anei a tuajo in vaidot thugenna Rev. Fr. (Dr) Victor Arulappan, Principal in anei hi.

“Topa Victor in eina chiel zing ahia, Sugnu ah hing haw inlen hing en in, nang hunlai toh kikhie mamata chi'n eina chiel zing hi” achi hi.

Senior priest, Rev Fr. C.M Joseph in St. Joseph's School tangthu sutna tomkhat aneia, 1968 kum a ana zinlai toh akikhel dante asut hi. Topa C.M in agen a,

 

Tami vai a zinlien Shri K. Ranjit Singh hon’ble MLA 39-Sugnu A/C buoina dang jieh in ang pei theisih a, ama tang in a tapa Shri K. Satyajit Singh ahing sawl hi.

Shri Satyajit Singh in apa adamloh jieh a ahing pei jolo thu agen a, tami sang inn toh akinainate thu agen a, “1973 lai a pat in kapa tami sang inn ah ana kai a nursery a pat Tan III tan ana sim hi”, achi hi.

 

Tualeh tami sanginn a ding in mailam hun ah zong pan thei dandan in ka pang zing ding hi chi’n ka pa’n agen hi achi hi. Tuajo in Shri Satyajit in Rev. Fr. Victor kungah

Dangka 50,000 kithuopi na in apie hi.

Zin lienpa thugen jo in naupangte lamna leh lasahna a om a asiemthei mama ua mi asuhal mama uhi. Tuajo in tami vai a president, Most Rev. Dominic Lumon D.D Archbishop of Imphal in thugenna aneia, tami sanginn honna dinga pan nalate tunga akipah thu leh alungdam thu aphuong hi. Tualeh Pu Archbishop in agen a, “Fr. C.M maimai hiloh in ke'n zong Sugnu Parish apeisa kum 27 a ka nuasie jo a pat in aki khel ta mama hi” achi hi.

 

Pu Bishop in tami parish a Hr. Sec. hon ding hi Rev. Fr. Mark Mangkhanpao leh Rev. Fr. Stephen Touthang hun laia naki ngaituo ahita hi achi a, tuami hun a pat tutan buaina hasatnate kal a honthei a ang om jieh in adieh in pan late leh mipite kunga akipah thu aphuong hi.

Pu Bishop thugen jo in St. Joseph's Hr. Sec. School Headmistress Sr. Maria Nubawi in kipah thugenna aneina toh vai zaw ahita hi.

Programme jo in zinliente leh tote, ngahnusiengthote leh special inviteeste'n ann nehkhawmna anei ua tuajo in DFFC (Diocesan Fraternity Football Clubte) Higher Secondary sangnaupangte bawlung kidemna aom a DFFCte'n minute 15 sungin gawl ni akhum pai ngal ua, sangnaupangte'n gawl nga toh athu ua, atawptawpna ah fatherte'n gawl guh akhum kia ua, ajota uhi.

#rvapastoralcare #rvazoservice

 

Add new comment

1 + 1 =