Pu Pope Francis in Canada gam azinna thu Pope Paul VIna Audience Hall ah gen

Pu Pope Francis in Canada gam azinna thu Pope Paul VIna Audience Hall ah gen

Kisawnna leng zang vateh loh in Pu Pope Francis Pope Paul VIna Audience Hall ah alut a, thuhilna tomkhat aneia, Canada azinna thu asut hi.

Tuana hing kikhawmte kungah, ka zinna hi, thei zingna zinna ahia, kilemna leh damna thu Canada gam mite toh kava gen hi achi hi.

Pawlpi boarding school tuomtuom ah agam mi naupangte’n hasatna leh gentheina pawlpi khut pan in ana thuoh uhi achi hi.

Pope Francis:

“Pawlpi mite’n agam mite khanto nadingin ana ngaituo ua, lai ana siemsah ua, tawndan thatha zong ana hil uhi, tuathamloh in pil leh siemna zong ana guon ua, tu’n agam uh uhthei in aomta uhi.

Hitama lezong, tote leh ngahnusiengtho phasa khat in agam sangnaupangte pieh lawm ana piesih ua, anu apate toh ana kikhensah ua, aham uh leh atawndan nasan uh amangngil va ia uhi. Tuajieh a ngaidam ngen dinga va kuon kahi.”

Pope Francis Canada gam a ava zinna khen thum a khen thei ahi: Edmonton ah ava tung masa a, tam mun pen Tumlam Canada ahi.

Tuajo in Suolam a Quebec Khuopi ah ava tunga, amun thumna ahileh Iqaluit ahia, tam mun pen Tunglam Canada a khuo khat ahi.

Pope Francis:

“Amahaw toh apeisa kum 1000 sunga hinkhuo ana mandan uh ka sut ua, hamuong tah leh leitang toh akinai dan uh tangthu ka sut uhi. Amahaw ka patatna khat ahileh, leitang toh akinai mama ua,

innkuon khat abang valong uhi. Leitang leh gam ahelbawl ngaisih uhi. Ahi’n pawlpi sanginn a ahing kai chiengun, gentheina tuomtuom atuoh ua, dahuoi sa ing.”

Pope Francis in amangngil thei loh ahileh, Lac Ste tuivei thupha ava pieh khu, nuom kasa hi achi hi. Topa Jesu hinkhuo zong enlei,

tamveipi tuivei tung leh tuipieu ah thu leh la tamtah ana hil a, mi tamtah ana damsah gige hi. Hichia Canada gam mite toh kava kimu, mangngil vawtish va ing achi hi.

Pope Francis:

“Tam gam a mite pawlpi khut a ana genthei uh, aphe uh kibeh pieh toh kibang. Tehsie tamtah in atu atate uh anuamu nawnsih uhi.

Gam tuom pansa a hing tungte tawndan anuom ada un azuisah ua, pawlpi nasep inuaet chiengin zum huoi sa ing.”

Tu August ha sungin Pope Francis in Nipi zaw Ni Thum Nitengin mipi thuhilna anei kia ding hi. Tutung chisat hun a ahun mandan ahileh akitahla mama a, ahi’n hun peidan zong kithei mansih.