Myanmar Archbishop in lungdam pawi manding dan tahlatna nei

Archbishop Marco Tin Win

Myanmar Archbishop in lungdam pawi manding dan tahlatna nei

Apeisa November 10 ni’n Mandalay archdiocese Myanmar a Archbishop Marco Tin Win in agam sung ua katholik pawlpite’n lungdam pawi leh kumtha pawi man ding dan tahlatna anei hi.

Dan tahlatna anei natoh kiton in katholik pawlpite mawphelna leh latnasiengtho a jau jinga khigui sutna leh haugau lama hat dingin hantawhna anei hi tualeh guolnop man sangin migentheite panpi jo un chi’n hilna anei kia hi.

Pu Archbishop in agen kia na ah November 27, ngah hun sunga nipi masa nia kipan ding Novena a jau zing dingin chielna jong anei hi.

Tualeh Pu Archbishop in tukum pawi sung in Christmas carol laa leh lungdam pawi laa te tuaban ah tum ging dangdangte toh guolnop a kikhopnate leh pawi manna a lim leh limpia te social media a khanlo dingin ngetna anei kia hi.

Tualeh pawlpi nasemte, tote, ngahnu siengthote leh mipite kungah biehinn te leh itenna inn te uh zep lo dingin ngetna anei kia hi.

Archbishop Marco Tin Win gen dan in tamte hi Myanmar gam a Magway and Sagaing a om gaaltaite khotuo nazal a kibol ahi chi’n theisahna anei hi.

Myanmar gam ah mi tampi gaaltai a om a adieh in Mandalay Archdiocese a Magway and Sagaing khuo a teng tualeh Myanmar kumpi do a gaalkap leh People Defense Forces mi tampi gamlah a gaaltai a om hi.

Add new comment

13 + 0 =