Italy Gam a Turin Khuopi a om Salesian tote in COVID-19 pul toh kisaia mi gentheite panpi uh

Italy Gam a Turin Khuopi a om Salesian tote in COVID-19 pul toh kisaia mi gentheite panpi uh

Tutung COVID-19 pul sungin Salesian tote'n tami pul toh kisaia gentheina thuohte ha panpi in apanpi ua, sum leh pai toh hing pangte tungah lungdamna lienpi aphuong gige uhi. Rector Major, Topa Angel Fernandez Artime in hichi'n agen hi: "It leh ngai Salesian tote, sisters, tangval siengthote leh ei panpite, na tung u'ah lungdam mama ing. St.Don Bosco in vangam pan a ei thunget piehna toh Pasian thupha tamtah ahing luongsuh a, COVID-19 toh kisaia gentheite panpina ipie thaw uhi. Tambanga nasepte nohaw hing pangsih lochin, ko Salesiante zawthaw ahi vawtsih hi." Thei dinga a kilawm in leitung pumpi ah Salesian tote oplona aomsih a, na theisa mabangun, amahaw hi naupangte leh khangnote lam ah akie pie mama ua, Archdiocese of Imphal ah zong sanginn tamtah anei ua, tu'n Maram ah college minthang mama khat a anei ua, ana sep uh mipite'n adeisah mama uhi. Tami kipawlna (congregation) pen St.Don Bosco in ana pat ahia, ana patna mun ahileh Italy Gam a Turin Khuopi a ana pat ahi. Tualai in Italy Gam ah khangno tavai, laisim zoloh, nasep muzolo tamtah ana om ua, gam uihon banga hang ngen ahi uhi. Ni khat Topa Don Bosco mangah Tonu Mari in gam uihon leh tuno (kelnguoi) hon khat amusah hi. Tonu Mari in amapa kungah "Tana gam uihonteng tuno hon na suohsah ding ahi" chi'n agen hi. Hichi'n Topa Bosco in boarding (oratory) khat ahong pai ngal a, tanah naupangte lai ahil a, sang akaisah a, siemzilna (trade) tuomtuom azilsah a, nasep asuipieh hi. "Naupang khat phebehna toh isiemtha thawsih dinga ua, itna beh toh isiemtha thei ding hi" achi hi. Topap Don Bosco in a sanginn ah chieng ana zang ngai vawtsih,itna beh azang hi. Tualai in sangnaupangte chieng toh ha sat in ana kisat let ua, Topa Don Bosco chieng azah vawt lo mipite'n lamdang asa uhi. Salesian tote damsawt hen.

Add new comment

1 + 1 =