Ireland Gam ah sil lamdang khat pieng

Ireland Gam ah sil lamdang khat pieng. Katholik Pawlpite kithuopina toh kitung TV phung khat in kum billion nga a upa Pasian kimatna alah uhi. Chiemmuina thusuo (mock news) a kibawl limpia ahia, tana limpia ah Pasian polite'n aman uhi. Ajieh? Suolam Kimsuh (Middle East) a vaitai ngahnu khat Pasian in apaubawl a agaisahta hi. Tuathamlo in tami limpia ah Pasian khu Nu Mary paubawl a gaisahpa ahi chi'n thukhente'n siemmaw atangsah ua, thonga khum dingin miman (police) khat in azawpita hi.

 

Hichi'n Ireland Gam ah Pasian gensietna leh simmawna akibawl valonga, Pu Bishop Martin leh Katholik mi tamtah in tami TV phung pen sum leh pai toh panpi nawnsih vai chi'n thu atanta uhi.

 

Thei dinga kilawm in tumlam (west) ah mi biehinn akaikhol nawnsih ua, biehinn phasa khat kiapmaina (recreational centre) leh hotel in akimangta hi. Ireland Gam ah mi atamzaw Katholik ahi uhi. Tunglam Ireland (Northern Ireland) ah pen Protestantte atamzaw uhi. Kum tamtah Katholik leh Protestantte kikal ah gam ana om a, tu pen in kilemta uh. Katholik Pawlpi tamna gam a tambang sil lamdang apien valong, chizat huoi izaw guoite?

Add new comment

6 + 1 =