Caritas International

Caritas International kichi khu, Katholik Pawlpi sunga mizawngkhalte panpi nadinga kiphutdoh kipawlna lienpi pen khat ahi. Gam josie ah tami kipawlna bameng aom kim hi, agentena in Caritas India, Caritas Burma, tualeh Caritas Sri Lanka chi’n aom gige hi.

Thawkia Pawi ni’n Caritas International a lamkaipa, Roy Michel in “Kumpi josie in agam ua chidam ludamna aguon dinguh akisam mama a, tualeh tu-le-tu a corona pul tun laitah in mipite ahuoi siem dinguh asep lawm uh ahi” achi hi.
Vatican Khuopi a Cardinal Luis Antonio Tagle hi Caritas International chairman inzong apanga ama’n “Leitung mite akithutuoh hun ahita hi ajieh pen corona pul in ei buoisah mama hi” achi hi.

Thei dinga kilawm in, Cardinal Lui Antonio hi Philippines Gam mi ahia tu-le-tu in Vatican Khuopi ah Prefect of Congregation for Evangelization of Peoples ah tomunpi aluo hi. Asia gamkaipi guoh hilo in gam tuomtuom lah ah ama aminthang pen khat ahi. “Tam natna tha in khuovel pumpi azausah a, akilingsah vawt hi. Etkol dingte ahileh vaitaite, ateh avuoite, chinate, azawng angaute leh nasep neilote ma ahi’ achi hi. Tam thu pen Thawkia Pawi nia a thugenna a achi ahi hi.

Add new comment

1 + 19 =