Archdiocese of Imphal in thupi tah in Laisiengtho Nipi Ni mang

Archdiocese of Imphal in thupi tah in Laisiengtho Nipi Ni mang

Apeisa Nipi Ni, 29 August ni in Archdiocese in thupi tah in Laisiengtho Nipi Ni, Mary Immaculate Parish, Chingmeirong ah amanga, Pu Archbishop in Mass Siengtho alat a, Fr.Mark Thang Khan Ai, Director, Commission for Social Communications, Archdiocese of Imphal zong ava panga tami thusuo ahing suo hi. Tote dang ahileh, Fr.Rigi, Director, Bible Commission, Archdiocese of Imphal, Fr.K.S Jose, SDB, Bible Commission Member leh Fr.Sebastian P.O, SDB zong apang uhi. Nai 7.30 AM lien ah Mass akipan a, Mass jo in nuomman hawmna akimang hi. Ngahnu, tangval, ngahnusiengtho leh ngahnusiengtho sinte’n zong nuomman (prize) amu ua, amu lah ah Khristien hiloh, ngahnu khat in nuomman amu hi.

Bible Commission hi diocese sunga a commission (sepguol) khat ahia, nasa tah in akivaihawm a, Fr.Rigi, Don Bosco Parish, Senapati a munpi topu khu, asai in apanga, Laisientho Kidemna aguonga alawching mama hi. Aban ah, ni 100 sunga Laisiengtho 27 (Thuhun Tha) sim ding khu maban nasep ahia, apan pawl zong aomta hi.

Laisiengtho Nipi Ni (Bible Sunday) hi North East India gamkai a zong kibawl ahia, Northeast a bishopte vaihawmna ahi. COVID kikhakhumna aop jieh in Laisiengtho Kidemna pen meihui tongsan (online) ah aki bawl a, Laisiengtho giel pen akigiel a, kidemna saite khut ah aki ap a, amahaw’n nuomman angaituo uhi. Nuomman pen sum a pieh thaw in akihawm a, lim khat toh aki pie hi. Pu Archbishop Dominic Lumon in Mass sunga athugenna ah, Laisiengtho hi sim zing ding ahi ajieh pen Pasian Thu ahia, Thuhun Lui lai pan a naki pieh ahitabo hi. Pasian Thu chi pen Pasian eite ei chielna kamteng ahia, Pasian chielna khu dawng teitei vai chi’n Pu Archbishop Dominic in mipite ahan thawn hi.

Aneia limte:

Pu Archbishop Dominic Lumon in Mary Immaculate Parish a Bible Nipi Ni a Mass Siengtho alatna leh nuomman piehnate lim ahi.

Add new comment

6 + 5 =