Vatican luisuoi siempa lim thate

Vatican luisuoi siempa lim thate

Vatican Khuopi a lim suoi siempa lim suoi thate

 

Vatican Khuopi a lim suoi minthang Pu Esteban Villalta in Pope dingin lim tamtah ana suoi a, tu’n zong suoi nalai. Rome Khuopi a na pieng ahia, aneulai pat in kum zabi 16 lai a naki lam tami inn ah ana teng gige hi. Tam inn ahileh Obra Pia in Rome a teng Spain mite tenna nadinga ana lam ahi. Pompei a guolnop leh hinlahna inn tunga kilam ahia, tua guolnop leh hinlahna (theatre) pen BC 55 a naki lam ahitabo hi.

Spain gam in  Vatican Khuopi a ambassadorte ana sawlna uh kum 400 achingta a, kum 400 achinna lop nadingin tami inn lui hing jeem tha in chi’n Pu Pu Esteban Villalta akingasieta hi. Tua na tenna inn lui khu na dei bangbang kizep in akichia, ajeem panta hi.

Ama lunggul dungzui in ajeem pai ngal a, lim suoina tui chi tuomtuom toh ajeem a, coronavirus lim nasan zong asuoi hi.

ESTEBAN VILLALTA  

“Keima leh keima kaki hanthawn a, tana mi mu ngailoh lim tuomtuom ka suoi a, coronavirus lim nasan zong suoi ing. Coronavirus hi, ka kamsuo nuom loh khat ahia, tutungin alim suoi ing. TV a tami tungtang kigen josie ka lebul a, coronavirus in khut ka neisah hi. Coronavirus in ama khut toh tami natna dal heh china ahi.”

 

Pu Esteban Villalta Marzi limsuoina studio enlei, van tamtah azanga, coronavirus suhmang nading van tuomtuom anei hi. Hero tuomtuom lim, lam siemte lim leh “Money Heist” kichi limpia a guta minthangte lim nasan asuoi hi.

Spanish mite’n “La Casa de Papel” achi uh, Pope Inn china ahia, tam mun ah a limsuoite mipi et dingin akoi hi. Limsuoina puon khauh (canvas) ah asuoi masa a, tuojo in baang ah ata hi. Alim suoi lah ah actor minthangnu khat leh lasa minthang diva lim zong asuoi hi.

ESTEBAN VILLALTA

“Marilyn Monroe hi ana minthang mama a ana kibie vawt hi. Alim kitunna pat in ka domdoh a, mi zalah ah tungta’ng. Maituom ka vawsah a, midang toh kisuunsahta ing. Tulai a hing nalai hileh, maituom vaw teitei ven.

Tana aritistpa in comic laibu khat limte zong asuoi a, nui leh mena zong abawl jeel hi.

ESTEBAN VILLALTA

“Tana comic laibu a heropa ahileh, COVID puul sunga hero a kakoi ahi. Tami puul jieh a natna neite’n tami lim en uhleh ba phat teitei hing nuiva uh chi gingta ing. Ama hi anate dinga heropa ahi.”

 

Tana inn lui a natengpa Pu Esteban in Michael Angelo limdingte lim zong asuoi a, lim dangdangte toh adington sah hi, agentena in David limdang.

ESTEBAN VILLALTA

Tangthu suut ihi ua, tami tangthu suutna ah zawhton vai.”

 

Ama deidan ahileh, tana ka lim suoite’n a en tapote kungah thu khat teitei tut heh achi hi. Coronavirus jieh in it leh ngai tamtah in ei nuasieta a, ei ahing nalaite tom khat zawhkhawm vai chia tana limte kana suoi hi achi hi.

 

 

Add new comment

1 + 13 =