Pu Pope Francis in Slovakia gam a Mother Teresa Sisterte kungah lungdam koh

Pu Pope Francis in Slovakia gam a Mother Teresa Sisterte kungah lungdam koh

Pu Pope Francis in zania Slovakia gam a azinna ah Bratislava khuo ah ava haw a, mipi phasa khat in ana vaidot uhi. Naupangte lapawl khat inzong la toh ana vaidot ua tualeh Mother Teresa Sisterte’n ana vaidot pai ngal uhi. Tami mun ah amahaw’n taga sangga, inn leh lo neiloh naupangte akem ua, Pu Pope Francis in hichia nasep hoi abawl uh apatat mama a lungdamna thu agen hi.

Hichi’n Pope in agen a: “Tambanga sisterte’n kipumpiehna toh na asep uh lungdam huoi mama tualeh patat huoi mama uh. Mu lei musih lei Pasian eite ei kinaipi zing hi. Tam khu mangngil sih vai, adiehdieh tu hamsat hun in.”

Tujo in tami inn ah minute 15 vel avah kawikawia, tuajo in ngahnusiengthote ahopi hi. Tuana hing kikhawm josie toh Zahuoi Mari thungetna angenton uhi. Tuajo in pope in sisterte suongngo a kisiem Tonu Mari leh Naungeh Jesu lim khat apie hi.

#rvapastoralcare #RVASERVICE

Lim 1: Pope na vaidot mipite Lim2: Naupangte lapawl Lim 3: Pope in Mother Teresa Ngahnu Siengtho kunga lungdam akona

Add new comment

2 + 8 =