Pu Pope Francis in Pu Martin Luther Katholik Pawlpi ah pom ngapsih

Pu Pope Francis in Pu Martin Luther Katholik Pawlpi ah pom ngapsih

 

Protestant Pawlpi (Protestant Church) hing kipatna kum 500 achingta a, apandohpa ahileh Pu Martin Luther ahia, Germany Gam a Katholik siempu khat ana hi hi.

Pu Martin Luther khu  Katholik mi in akisim kia thei diei chi'n Pu Pope Francis akidonga, anuom vawtsih hi. Pawlpi nuasiesate Katholik Pawlpi mi in kisim thei nawnsih va chi'in Pope Francis in Vatican Khuopi ah agen hi.

 

Kum zabi kimsuh lai (Middle Ages) in Katholik Pawlpi ana hat mama a, akeh theilo dingdan in ana kingaisun hi. Tualai a Pawlpi Tahsannate (Doctrines) leh tawndante (practices) adihlo tampi ana om a, Pu Martin Luther in ha ngiel in ana ngiel a, 1517 kum in thuguol (theses) 95 pansia in pawlpi ana dem hi, ajieh pen pawlpi sungah sil dihlo tampi ana om a, adem ngam ama losie koima ana omsih hi. Tua thuguol (theses) 95 khu biehin kot ah atata hi. Pope leh bishopte'n ana thusesih ua, tampa'n pawlpi bangma lawthawsih va achi kuom uhi.

 

Hichi'n Protestant Pawlpi ahing khanglien a Europe Gamkaipi akeh khat vel tami biehna tha ah alutta uhi.

 

Tulai in Protestant Pawlpite akikhen den nalai ua, pawlpi 40,000 avalta uhi. Kal khat a pawlpi tha khat akipphut hi. Hitama lezong, Protestant Pawlpite khantona zong tampitah akimu tho hi. Mipite lamkaina ahia, siempute uhna nei ah aom nuomsih uhi. Mipite kivaipuohna ahijieh in tahsa leh hagau khantona tampi abawl ua, patat huoi mama uh. Manipur a Protestant Pawlpite enlei, mihing kivaipuohna, politics, lamkaina leh la lam ah akhangto mama ua, Katholik Pawlpite phah bai ding ahisih hi. Hichi'n pawlpi leh gam khantona lam ah amahaw lamkaina beh akimu hi. Lasah lam leh lamkaina lam ah sanggam Protestantte patat huoi mama uh. Manipur Pasian la kiphuo atamzaw amahaw bawl ahia, tam lam Katholik akitawh thawsih uhi. Sanggam Protestantte pan a Katholik mite'n azildoh ding uh tam mama, adiehdeih in Pasian thuphuonna ah.

Add new comment

1 + 4 =